香港著名堪舆学家麦玲玲向来人气旺盛，除了经常往返中港两地，为客户提供睇风水服务和举办讲座分享来年的运势外。演艺事业亦不输艺人，多年来位列广告宠儿，闲时更会拍剧，凭贵气形象升呢做“TVB御用富婆”。瓣数多多的玲玲师傅最近更挑战主持TVB旅游节目《寻欢作乐的姐姐》，与吴若希、戴祖仪和游嘉欣走访广州、深圳、上海、长沙、重庆等城市，发掘⼥性新兴市场，为观众带来最新潮、最顶流的旅游体验！

玲玲师傅首次挑战拍旅游节目。

带大家享受最顶流的体验。

玲玲师傅绝对识饮识食识玩！（胡凯欣摄）

玲玲师傅首挑战拍旅游节目　碌尽人情卡做

玲玲师傅接受《香港01》访问时坦言是首次挑战拍旅游节目，难免有些许紧张：“我好少同人part住一齐做节目，同班后生女，惊大家适应唔到又惊好辛苦。佢哋又比较运动型，一阵又骑马、打波、攀山涉水我就唔系好玩到，但原来系大家配合嘅，有啲系佢哋玩、有啲系我带佢哋玩，有啲系佢哋带我玩，好丰富！”纵横内地多年，玲玲师傅绝对称得上识饮、识食又识玩的达人：“我哋本身跑咗呢度咁多年，多多少少都有知道嘅嘢，可以有啲输出，有资讯又有啲人帮手。”

节目唔止有富婆级享受，亦有贴地一面。（胡凯欣摄）

为节目置装最有难度：我打开衣柜系冇其他衫

讲道节目难度，身经百战的玲玲师傅最头痛的竟是置装方面，一向以招牌西装示人的她将会打破框框：“你知我平时啲衫，我打开衣柜你只会见到红色嘅嘢喺度，其实系冇其他衫，我屋企系冇长裤，我一路都系著裙，所以我好焦虑到底拍一个旅游节目，要买啲乜嘢去？一阵话去沙滩，我得啲shirt，变咗唔系好啱Feel，好似好傻仔，所以临时临急叫埋化妆师做埋stylist，叫佢帮我行街，行晒香港九龙同网站又好，揾一啲觉得我啱嘅衫。（今次好突破？有运动Look？）都系，起码有啲唔同，唔会当系啲玄学节目，我想有啲唔同嘅样。如果我好似佢哋嘅身形，容乜易呀，所以真系要揾，难度系喺度。”

玲玲师傅一向以招牌西装示人。（胡凯欣摄）

《寻欢作乐的姐姐》绝对给观众惊喜！

见到都兴奋！

玲玲师傅照顾周到　出钱又出力极豪气

节目玩齐海陆空，吴若希、戴祖仪和游嘉欣亦会以泳装上阵，问道玲玲师傅会否同样派福利给观众，她笑言：“唔好赶走啲客啦，我成日企图每一个都着返正装，等我自己靓啲。但我都会带佢哋玩齐海陆空，你都知我跑咗好多年内地，希望俾到啲特别少少嘅嘢大家。（啲朋友都好帮手？）好帮手，好多支援，有时要揾一啲景同人，如果冇陀地照顾住系难搞啲，同埋会照顾佢哋嘅饮食，成日见佢哋话好肚饿就嚟晕，我就买定啲水果送去酒店又会谂吓去边度食饭。大家都会轮住请食嘢，个个都有唔同嘅角色，好好㗎！我仲打算嚟紧揾架剧组露营车，有齐晒厕所、冲凉，有得换衫同补妆，如果唔系转几个地方拍摄，有时又全身湿晒会好麻烦，我决定要畀呢个福利大家。”

四位主持好养眼！

旅游节目令人期待！

她们笑称玲玲师傅在才有“饱饭食”。

感情好好！